12 МАМЫР АНАЛАР КҮНІ

12 МАМЫР АНАЛАР КҮНІ 

      Ана махаббатын сөзбен айтып жеткізу мүмкін емес. Ананың мейірімі жан-жағына өз шуағын төгеді. Осы шуақпен жылынып, асыл ананың құшағында мейірім алып жүрген барша адамзат аналарды мәңгі ардақтап, аялай білсе, бұдан асқан бақыт жоқ шығар.

      √134 жалпы орта білім беретін мектебінде Қазақстан Республикасы Мәдениет және ақпарат министрлігінің √03-23/2011хатына сәйкес 12 мамыр "Аналар мерекесіне"орай мектебімізде сурет байқауы өткізілді. Сурет байқауына бастауыш сынып оқушылары қатысты.Оқушылар өз аналарына  және отбасыларының суреттерін салды. 

      Кез келген адамның әдептілігі мен жан-дүниесінің сұлулығы ең алдымен балаға ақ сүтін беріп, әлпештеп өсірген ана жүрегінің жылуынан басталады. Бала бойындағы ең жақсы қасиеттер де ең алдымен анадан тарайды. Әлемдегі ең кешірімді, ең мейірімді жан – ана.  Оның мейірімділігінде шек жоқ. Ана болу - бүкіл өміріне кететін рухани күш пен ерен еңбек. Өз баласын бағып-қағуда ана өзін-өзі ұмытып, барлық күш-жігерін перзентіне жұмсайды, ол арқылы оның жаны нұрлана, нәрлене түседі. Ал баланың анаға деген махаббаты жеткіліксіз. Оны барынша құрмет тұтып, қастерлеу әрбір баланың борышы.