🌸 «Қош келдің, Әз Наурыз!» 🌸

 «Қош келдің, Әз Наурыз!»

   18.03.2026ж. күні мектебімізде көктемнің шуақты мерекесі – Ұлыстың ұлы күні Наурыз мейрамына орай 6 және 8-сынып оқушыларының қатысуымен «Қош келдің, Әз Наурыз!» тақырыбында тағылымы мол тәрбиелік шара өткізілді.

Шара барысында оқушылар қазақ халқының салт-дәстүрлері мен әдет-ғұрыптарын дәріптеп, ұлттық құндылықтарды насихаттады. Әсем ән шырқалып, күмбірлеген күй орындалып, ұлттық ойындар ұйымдастырылды. Сонымен қатар, оқушылар өз өнерлерін көрсетіп, мерекелік көңіл-күй сыйлады.

Бұл шараның басты мақсаты – жас ұрпақтың бойына ұлттық рухты сіңіру, халқымыздың бай мұрасын құрметтеуге тәрбиелеу және достық пен бірлікті нығайту.

 Наурыз – жаңару мен жақсылықтың бастауы. Әр шаңыраққа құт-береке, молшылық пен бақыт әкелсін!