"НАУРЫЗЫМ-ҚҰТ БЕРЕКЕМ"

"НАУРЫЗЫМ-ҚҰТ БЕРЕКЕМ" 

    Қазақстан халқы үшін  наурыз мейрамы- көктем мен жаңаруды айшықтайтын мерейі тасыған ұлы мереке. 

    Қыстан аман шыққан халық Наурызды асыға күтеді. Барлық қуаныш пен жақсылықтың бастауы болсын, деп тілек білдіріп жатады. 

"Ұлыстың ұлы күні-Наурыз" мерекесіне орай Шымкент қаласы білім басқармасына қарасты N134 жалпы орта білім  беретін мектебінде  біртұтас тәрбие негізінде 2"Ә", 2"В", 6"Б"  сынып оқушылары мен сынып жетекшілерінің  ұйымдастыруымен "НАУРЫЗЫМ-ҚҰТ БЕРЕКЕМ" тақырыбында ашық тәрбие сағаты өтілді.

      Мақсаты:  Қазақтың әдет-ғұрпын, тіліміз бен дінімізді құрметтеуге, имандылыққа тәрбиелеу.

     Мектеп оқушылары ұлттық дәстүрден көрініс көрсетіп, ұлттық нақышта әндер айтып, ұлттық биден тарту етіп, ұлттық киімдер үлгісін көрсетіп, ұлттық салт-дәстүрді кеңінен насихаттады.

Тәрбие сағаттың шымылдығын әдемі әнмен ашып, шашу шашу салтымен жалғасын тапты.

      Ұлтымыздың мерейін өсіріп, бар болмысымызды айшықтайтын қасиетті – Наурыз мерекесі елімізге тыныштық, бірлік пен қуаныш, құт - береке, бақыт пен молшылық әкелсін!