24
май
2025
ОҚУ-ДАЛА ЖИЫНЫ ҚОРЫТЫНДЫСЫ
ОҚУ-ДАЛА ЖИЫНЫ ҚОРЫТЫНДЫСЫ
Шымкент қаласы Білім басқармасының әдістемелік орталығы тарапынан 2025 жылғы 5 мамырда жолданған №1353 шығыс хатына сәйкес, Шымкент қалалық Білім басқармасына қарасты №134 жалпы орта білім беретін мектебінде 2025 жылғы 19-23 мамыр аралығында дәстүрлі оқу-дала жиыны (әскери-патриоттық оқу-тәжірибелік жиын) болып, қорытындыланды.
• Ұл балаларға әскери-далалық өмірдің практикалық негіздері, бастапқы әскери дайындық, саптық жүріс, әскери тактика элементтері, қолданбалы спорттық жаттығулар үйретілді.
• Қыз балаларға алғашқы медициналық көмек көрсету, санитарлық-гигиеналық талаптарды сақтау, зардап шеккендерге алғашқы көмек көрсету практикасы жүргізілді.
Сонымен қатар, оқу-дала жиынына сапалы дайындық жүргізіліп, мектептің материалдық-техникалық базасындағы құрал-жабдықтар жаңартылып, ретке келтірілді. Ата-аналармен арнайы жиналыс ұйымдастырылып, жиынның мазмұны, оқушылардың әскери киім үлгілеріне қойылатын талаптар түсіндірілді, ата-аналардың ұсыныстары мен сұрақтары қаралып, тиісті жауаптар берілді.
Бұл іс-шара жас ұрпақтың Отан алдындағы борышты сезінуіне, әскери қызметке деген қызығушылығын арттыруға, азаматтық жауапкершілік пен тәртіпке тәрбиелеуге зор ықпал етпек.
