Салт-дәстүрлерін насихаттау жайында сайыс

Шымкент қаласы білім басқармасына қарасты №134 жалпы орта білім беретін мектебінде Қазақ тілі мен әдебиеті пән  бірлесітігінің ұйымдастыруымен 7-10 сынып оқушылары арасында қазақ  халқының тағамдарын, ұмыт болған тағамдарын, салт-дәстүрлерін насихаттау  жайында сайыс болып өтті. 

      Сайыстың мақсаты: 

ұлыстың ұлы күнінің айрықша тәлім-тәрбиелік, үлгі-өнегелік, сән-салтанаттық, мәрт-жомарттық, қадір-қасиеттілік нышан белгілері мен таным ұғымдарын үлгі ету, таныстыру;

қазақтың ұлттық өнерінен, мәдениетінен тәлім – тәрбие беру;

қазақтың салт-дәстүрін, әдет-ғұрпын көрсету, насихаттау;

қазақтың ұмыт болып бара жатқан ұлттық тағамдарымен танысу;

адам денсаулығына пайдасын көрсету.

        Сайыс барысында балаға ат қою, бесікке салу, баланы қырқынан шығару, баланың тұсауын кесу, босағаға ақ байлау, ұршық иіру, тоқыма тоқу және тағы да басқа рәсімдер көрсетіліп, ұмыт болған тағамдардың бірнеше түрлерімен таныстырды.