Сапалы білім» жобасы аясында нәтижелі жұмыстар

Сапалы білім» жобасы аясында нәтижелі жұмыстар

         Шымкент Қаласының Әдістемелік Орталығының «Сапалы білім» жобасы аясында 2023 жылғы 25 сәуірінде  №134 ЖОББМ базасында «Формативті бағалау жүйесін тиімді қолдануды қалыптастыру» тақырыбында  тәжірибелік семинар ұйымдастырылды.

           Семинардың мақсаты: Оқыту мен оқуда және білім сапасын арттыруда бағалауды тиімді қолдану. Формативті бағалаудың білім сапасына тигізетін оң әсерін анықтау, ұтымды  әдіс-тәсілдерін, стратегияларын қарастырып қолдану.

          Семинарға әдicтемелiк орталықтың әдiскерi - Талипбаева Гүлжан Серикбаевна және  жетекші тірек мектептердің (№87 ЖОББМ, 16 ЖОББМ, 61 ЖОББМ, 63 ЖОББМ, 69 ЖОББМ, 70 ЖОББМ, 78 ЖОББМ, 96 ЖОББМ, 137 ЖОББМ) әдістемелік, оқу ісі жөніндегі орынбасарлары мен педагогтері қатысты.

           Формативті бағалау жүйесін тиімді қолдануды педагогтер ашық сабақтар барысында, сонымен қатар мектептің жеткен жетістіктері мен оқу-тәрбие аясында атқарылған әдістемелік жұмыстарды бағдарлама аясында көрсетіп өтті. 

             Әдістемелік орталықтың әдiскерi - Г.Талипбаева бағалау оқытудың құрамдас бөлігі және қорытындылау сатысы.Формативті бағалауды пайдалану тиімді оқытудың негізі болып табылады. Себебі бағалау оқушылардың пәнге деген қызығушылығын арттыру жолдарына елеулі әсер ететіндігін айта өтіп, семинар қатысушыларына сәттілік тіледі.

           Семинар жоспарына сәйкес мектеп психологы - Г.Бишаева "Көңілі көтеріңкі ұстаздың еңбегі де жемісті" тақырыбында мұғалімдерге тренинг өткізді. Бастауыш сынып мұғалімі - А.Журабекова "Қуыршақ театры "жобасы аясында "Қу түлкі"ертегісін оқушылармен сахналады.

            Семинардың тақырыбы мен мақсатына сәйкес мектеп педагогтері үздік тәжірибелерімен бөлісіп, оқушылардың білім сапасын арттыруға ықпал жасайтын әдістемелік жұмыстарды тиімді ұйымдастыру негізінде ашық сабақтар, тәрбие сағаттары болып өтті.

Семинар барысында пән мұғалімдері - Н.Ш.Сауранбаева, Ж.М.Рузденова, Қ.С.Идирисова, А.Ж.Қозыбай, Г.У.Шайдуллина, Ф.К.Режаметова, М.Х.Хусаинова, Д.М.Ташметова жаңа оқыту технологияларын қолдана отырып, сабақты шебер ұйымдастырудың, оқытуда әдіс-тәсілдерді тиімді қолданудың, сабақтағы оқушылардың іс-әрекетін зерттеудің  жолдарын көрсете отырып, қатысушы педагогтерге үздік тәжірибелерімен бөлісті.  

         Семинар соңында әдіскер, қатысушы педагогтер сабақтарға анализ жасап, кері байланыс орнатылып, қатысушы педагогтер керемет әсер алғандарын жеткізді, семинар жоғары дәрежеде өткені туралы пікірлерін білдірді. Оқушылардың білім сапасын арттыру жұмыстары, формативті бағалау жүйесі бұл білім беру мекемесінде жүйелі түрде жолға қойылғаны және семинардың өз дәрежесінде өтілгені туралы әдіскер ерекше атап өтті.