АТА-АНАЛАРДЫ ПЕДАГОГИКАЛЫҚ ҚОЛДАУ ОРТАЛЫҒЫ.

АТА-АНАЛАРДЫ ПЕДАГОГИКАЛЫҚ ҚОЛДАУ ОРТАЛЫҒЫ

Шымкент  қаласы білім  басқармасына қарасты  №134 жалпы орта білім беретін мектебінде "Бүгінгі жасөспірім: қауіптің белгілері және қорғану тәсілдері" тақырыбында 29.01.2026 ж күні   5 «А» сынып жетекшісі  М.Адилбекова ата-аналарға арналған тренинг-жиналыс өткізді.

       Қазіргі әлеуметтік және ақпараттық орта жасөспірімдердің дамуына айтарлықтай әсер етуде. Осыған байланысты ата-ана мен мектептің бірлескен әрекеті баланың қауіпсіз әрі үйлесімді дамуын қамтамасыз етуде маңызды. Тренинг-жиналыстың мақсаты – ата-аналарға жасөспірімдер арасында кездесетін қауіптер туралы мәлімет беру және олардың алдын алу жолдарын түсіндіру.

        Жасөспірімдік кезеңде баланың мінез-құлқында, эмоциялық жағдайында және қарым-қатынасында өзгерістер байқалады. Қазіргі таңда интернет пен әлеуметтік желілер, зиянды әдеттер, психологиялық күйзелістер негізгі қауіп көздері болып отыр. Құрдастар ықпалы мен бақылаудың әлсіздігі баланың мінез-құлқына теріс әсер етуі мүмкін.

ҚАУІПТІҢ НЕГІЗГІ БЕЛГІЛЕРІ

 • тұйықталу немесе ашушаңдық;

 • оқу үлгерімінің төмендеуі;

 • ұйқы режимінің бұзылуы;

 • интернетке шамадан тыс әуестік;

 • отбасылық жанжалдардың жиілеуі;

 • қызығушылықтарының азаюы.

         Бұл белгілер байқалған жағдайда маман көмегіне жүгіну ұсынылады.

       Баланың қауіпсіздігін қамтамасыз етудің басты шарты – ата-ана мен бала арасындағы сенімді қарым-қатынас. Бос уақытты тиімді ұйымдастыру, ортақ ережелерді келісу, салауатты өмір салтын ұстану және ата-ананың жеке үлгісі маңызды рөл атқарады.

        Жасөспірімді қауіптен қорғау – мектеп пен ата-ананың ортақ міндеті. Махаббат, қолдау және түсіністік баланың ең сенімді қорғаны болып табылады.

#АПҚО 

#біртұтас_тәрбие#МектепЖиналысы