«№134 жалпы орта білім беретін мектебі» коммуналдық мемлекеттік мекемесі 1-4 сынып оқушыларына «Абайлаңыз, балалар!» тақырыбында жолда жүру ережелері туралы түсіндірме жұмыстары

«№134 жалпы орта білім беретін мектебі» коммуналдық мемлекеттік мекемесі 1-4 сынып оқушыларына «Абайлаңыз, балалар!» тақырыбында  жолда жүру ережелері туралы түсіндірме жұмыстарының хаттамасы

Күні: 21.05.2024 ж                                    

Қатысқандар: 1-4 сынып оқушылары

1. Директордың тәрбие ісі жөніндегі орынбасарлары: Ж. Жаштаева, А.Елубаев

2. Шымкент ҚПД Еңбекші АПБ ЮПБ УПИ полиция капитаны  Е.Утегенов

3. 1-8 сынып жетекшілері мен оқушылары.

Күн тәртібіндегі мәселелер:

1.«Жолда жүру ережелері» туралы түсіндірме жұмыстарын жүргізу.

2. Мектеп оқушыларының өмірі мен қауіпсіздігін қамтамасыз ету.

Тыңдалды:

            Күн тәртібіндегі бірінші мәселе бойынша директордың тәрбие ісі жөніндегі орынбасары Ж.Жаштаева сөз сөйлеп «Жолда жүру ережелері» туралы «Балаларға қауіпсіз өмір сыйлайық» атты жоспармен таныстырып, жолда бала сақ жүруіне, абай болуына оқушыларға үгіт-насихат жұмыстарын жүргізді.

Мақсаты: Жолда жүру ережесін есте сақтауға, оқушыларға жол белгілерінің, бағдаршамның атқаратын қызметін үйрету және жол ережесін есте сақтау қабілетін арттыра отырып, жол ережесін сақтау. 

         Сонымен қатар мектеп жасындағы оқушылардың автокөлік жүргізуіне мектеп әкімшілігі тарапынан қатаң тыйым салатынын ескертті. 

           Күн тәртібіндегі екінші мәселе бойынша мектеп инспекторы М.Өмірзақ сөз алып, оқушыларға түсіндірме жұмыстарын жүргізді.

         Жаяу жүргіншілердің міндеттері? №1196 қаулының 3-бөлімінің 1-тармағына сәйкес жаяу жүргіншілер: Тротуармен немесе жаяу жүргіншілерге арналған жолдармен, ал олар болмаған кезде - жол жиегімен, сондай-ақ Қағидалардың 17-бөлімі 1 және 4-тармақтарының талаптарына сәйкес жүреді. Көлемі үлкен заттарды көтеріп немесе алып келе жатқан жаяу жүргіншілер, сондай-ақ қозғалтқышы жоқ мүгедектер арбасымен келе жатқан адамдар, егер олар тротуармен немесе жолды жағалай жүргенде басқа жаяу жүргіншілер үшін кедергі келтіретін болса, жолдың жүру бөлігінің жиегімен (бөлу жолақтары бар жолдарда - жолдың жүру бөлігінің сыртқы шетімен) жүре алады. Тротуарлар, жаяу жүргіншілерге арналған жол немесе жолдың жағалауы болмағанда, сондай-ақ олармен жүру мүмкін болмаған жағдайда, жаяу жүргіншілер велосипед жолымен немесе жолдың жүру бөлігінің шетімен (бөлу жолақтары бар жолдарда жолдың жүру бөлігінің сыртқы шетімен) бір қатарда жүре алады. Елді мекендерден тыс жерлерде жолдың жүру бөлігімен жүрген кезде жаяу жүргіншілер көлік құралдарының жүрісіне қарсы жүруі тиіс. Жолдың жүру бөлігінің шетімен қозғалтқышы жоқ мүгедектер арбасында келе жатқан, мотоцикл, мопед, велосипед жүргізуші адамдар көлік құралдары жүрісінің бағытында жолдың оң жағымен жүреді. 

Қаулы етеді:

1. «Жолда жүру ережелері» туралы оқушыларға түсіндірме жұмыстары үнемі жүргізілсін.

2. «Абайлаңыз балалар» тақырыбында «Жолда жүру  ережелері» туралы бейне материалдар үнемі көрсетілсін.