«БІЛІМІМ-ОТАНЫМА! РЕСПУБЛИКАЛЫҚ СЫНЫП САҒАТТАР ӨТІЛДІ!

«БІЛІМІМ-ОТАНЫМА! РЕСПУБЛИКАЛЫҚ СЫНЫП САҒАТТАР ӨТІЛДІ! 

      Шымкент қаласы білім басқармасына қарасты «№134  жалпы орта білім беретін мектебі» коммуналдық мемлекеттік мекемесінде 2025-2026 оқу жылының тәрбие жұмысының жылдық жоспарына сәйкес,  «Білімім – Отаныма!» атты республикалық сынып сағаттары өтті!

       Бұл атаулы шарада «Адал азамат» біртұтас тәрбие бағдарламасының құндылықтарына басты назар аударылды. Халықтық Конституциямызда айқындалған басты стратегиялық бағыттар — адами капитал, білім, ғылым және инновацияны дамыту идеялары кеңінен дәріптелді.

Білім алушылардың жас ерекшеліктеріне сай өткізілген сынып сағаттарында оқушылар үшін маңызды бірнеше бағыт талқыланды:

-  Қауіпсіздік — басты талап: Жазғы демалыс кезіндегі жол қауіпсіздігі, судағы қауіпсіздік ережелері және интернет кеңістігіндегі сақтық шаралары түсіндірілді.

-  Заң мен Тәртіп: Қоғамда заң талаптарын қатаң сақтау және тәртіпті болу қағидаттары айтылды.

-  «Таза Қазақстан» бастамасы: Қоршаған ортаны қорғау, экологиялық мәдениетті қалыптастыру және табиғатты аялау мәселелері қозғалды.

- Еңбек және құндылық: Еңбек етудің маңызы, «үлкенге – құрмет, кішіге – ізет» көрсету сияқты ұлттық тәрбие негіздері пысықталды.

- Тиімді демалыс: Жазғы уақытты алдын ала жоспарлаудың артықшылықтары, қосымша білім беру ұйымдары мен үйірмелерге қатысудың пайдасы сөз болды.

-  Кітаппен өткен жаз: Оқушылардың каникул кезінде бос уақытын тиімді өткізуі үшін оқуға ұсынылатын қызықты кітаптар тізімі таныстырылды.

- Болашақ тірегі — білімді де тәрбиелі ұрпақ! Барша оқушыларымызға жазғы демалысты қызықты, қауіпсіз әрі пайдалы өткізуді тілейміз!

#БілімімОтаныма 

 #БіртұтасТәрбие

 #ТазаҚазақстан