17 наурыз-Шаңырақ күні.Тоғызқұмалақ – ұлттың зияткерлік айнасы, ал оны ұлықтау – болашаққа деген нық қадам.

17 наурыз-Шаңырақ күні 

Шымкент қаласы білім басқармасына қарасты №134 жалпы орта білім беретін мектебінде ұлттық ойындар күні аясында ұйымдастырылған тоғызқұмалақ сайысы – ата-бабамыздан жеткен асыл мұраның жаңғырығы іспетті әсерлі шара болды. Тоғызқұмалақ – тек ойын емес, ол ғасырлар қойнауынан жеткен терең ойдың, даналық пен сабырдың көрінісі. Ерте заманда қазақ даласында даналар мен ойшылдар осы ойын арқылы ақыл-парасатын шыңдап, болашақты болжай білген.

Сол ұлы дәстүр жалғасын тауып, бүгінгі жас ұрпақ та тақта басында тер төгіп, әр жүрісті ойланып, сан қырлы есепке жүгінді. Әр құмалақтың қозғалысы – тарихтың тынысы, әр шешім – бабалар аманатына деген құрмет секілді сезілді.

Сайыс барысында оқушылар тек жеңіс үшін ғана емес, ұлттық рухты сезіну үшін ойнады. Бұл – өткен мен бүгінді жалғаған, ұрпақ санасына рухани күш берген ерекше сәт болды.

Осындай тағылымы мол шаралар жас ұрпақтың жүрегіне ұлттық құндылықтарды сіңіріп, ел тарихына деген құрметін арттыра түседі. Тоғызқұмалақ – ұлттың зияткерлік айнасы, ал оны ұлықтау – болашаққа деген нық қадам.