«Ұлттық рәміздер – ел мақтанышы» 🇰🇿

«Ұлттық рәміздер – ел мақтанышы»

16 желтоқсан – Қазақстан Республикасының Тәуелсіздік күні мерекесіне орай 3 «Ә» сынып оқушыларымен «Ұлттық рәміздер – ел мақтанышы» тақырыбында сынып сағаты өткізілді.

Сынып сағаты барысында оқушылар Қазақстан Республикасының Мемлекеттік Туы, Елтаңбасы және Әнұраны туралы мағлұмат алып, олардың мәні мен маңызын түсінді. Ұлттық рәміздердің әрқайсысы тәуелсіздігіміздің, ел бірлігі мен халық рухының айқын белгісі екені айтылды.

Іс-шара барысында оқушылар белсенділік танытып, сұрақтарға жауап беріп, өз ойларымен бөлісті. Тәуелсіз елдің ұрпағы ретінде Отанды сүю, ұлттық құндылықтарды құрметтеу, ел рәміздерін қастерлеу жөнінде тәрбиелік мәні зор әңгіме өрбіді.

Бұл сынып сағаты оқушылардың патриоттық сезімін арттырып, туған елге деген сүйіспеншілігін нығайтуға бағытталды.