ОҚУ ДАЛА ЖИЫНЫ БАСТАЛДЫ

ОҚУ ДАЛА ЖИЫНЫ БАСТАЛДЫ

Қазақстан Республикасы Қорғаныс министрінің 2017 жылғы 12 шілдедегі №347 бұйрығымен бекітілген «Бастапқы әскери дайындық қағидаларына» сәйкес, 2024-2025 оқу жылының оқу жоспарына сай 10-сынып оқушылары үшін оқу-дала жиыны курсы 2025 жылғы 19-23 мамыр аралығында ұйымдастырылады.

          Аталған оқу-дала жиыны №134 жалпы орта білім беретін мектебінде өткізілді. Оқу жиынының күн тәртібі мектептің күнделікті сабақ кестесіне сәйкес сағат 14:00-ден 17:30-ға дейінгі уақыт аралығында жоспарланған.

            Оқу-дала жиынының мақсаты – ұл балаларға бастапқы әскери дайындық бойынша практикалық дағдыларды қалыптастыру, ал қыз балаларға алғашқы дәрігерлік көмек көрсету тәжірибесін үйрету болып табылады.

             Іс-шара барысында оқушылардың өмір қауіпсіздігі мен денсаулығын бақылау, санитарлық талаптардың қатаң сақталуы, сондай-ақ материалдық-техникалық база жабдықтарының ретке келтірілуі басты назарда болады.

              Оқу жиынына дайындық барысында ата-аналар жиналысы өткізіліп, онда оқушылардың әскери (камouflage) киім үлгісі, жалпы талаптар мен қауіпсіздік шаралары жөнінде түсіндіру жұмыстары жүргізілді.

              Осыған байланысты, №134 жалпы орта білім беретін мектебінде оқу-дала жиыны 2025 жылдың 19 мамырынан бастап ұйымдастырылып, тиісті тәртіппен өткізілуде.