"МЕКТЕБІМ, САҒАН МЫҢ АЛҒЫС!"

"МЕКТЕБІМ, САҒАН МЫҢ АЛҒЫС!"

      Шымкент қаласы білім басқармасына қарасты N134  жалпы орта білім беретін мектебінде 2024 жылдың 25 мамыр күні "Біртұтас тәрбие бағдарламасы" аясында "МЕКТЕБІМ, САҒАН МЫҢ АЛҒЫС!" атты бітіруші түлектерге арналған 11 жыл бойы тәрбие мен білім нәрін бойына құйып, ұстаздарына анасындай еркелеп, балалық шағын алаңсыз өткізген жас түлектердің мектебімен, әліппеден бастап өмір заңдарына дейін үйреткен ұстаздардың шәкірттермен қоштасу мерекесі – соңғы қоңырау мерекелік іс-шарасы өткізілді. Бұл күн – мектеп тарихында, мектеп бітіруші түлектер есінде мәңгі өшпесі анық.

    Міне тағы бір оқу жылы аяқталып, біздің  мектебіміздің бітіруші  түлектері бүгінгі салтанатты жиында балалықпен, мектеппен қоштасты. 

     Іс-шара барысында мектеп директоры Касжанов Асылбек Бейсенбекұлы  мерекелік іс-шараны ашып, бітіруші жас түлектерге жүрек жарды ыстық лебізін білдірді.

    Аталмыш мерекеге мектебіміздің бітіруші түлектердің ата-аналары,  мектебіміздің Қамқоршылық кеңесінің мүшесі Кашаев Ергешбай,  мектебіміздің ұстаздары қатысты. 

    Оқушылар мектепке арнап өлең айтып, би-билеп, өз өнерлерін көрсетті. Іс шараның соңында бітіруші түлектер қоштасу вальсін биледі. 

     Ендеше, бітіруші  түлектерімізге сәт-сапар тілейміз! Қанаттарың талмасын, жас түлектер! Ақ жол!