01 сентябрь 2022 0 1 ҚЫРКҮЙЕК - БІЛІМ КҮНІ 1 ҚЫРКҮЙЕК - БІЛІМ КҮНІ ҚҰТТЫ БОЛСЫН! Құрметті ұстаздар! Қымбатты оқушылар, ата-аналар және қонақтар!Баршаңызды дәстүрлі Білім күнімен, жаңа оқу жылының басталу мерекесімен құттықтаймыз.Адам өміріндегі сарқылмас қазына - білім. Адам баласы барлық арман- мақсаттарына тек білім арқылы ғана жете алады. Бүгін барлық білім беру мекемелері есіктерін айқара ашып, білім нәрімен сусындауға келген Отанымыздың жастарын, бүлдіршіндерін құшақ жая қарсы алуда.Бүгінгі оқушы- білім бәсекесіне төтеп бере алатын, санасы ашық, халқымыздың рухани-адамгершілік құндылықтарын бойына сіңірген, үштілді еркін меңгерген тұлға болуы керек.Мектебімізде 1 қыркүйек- Білім күніне арналған "Білімге ұмтылу, еңбексүйгіштік және отаншылдық" тақырыбында мерекелік ертеңгілік болып өтті. Мектеп директоры Касжанов Асылбек Бейсенбекұлы мен іс-шараға қатысқан қонақтар құттықтау сөздерін айтып өтті. Тәуелсіз еліміздің болашақ иесі жас ұрпақтың бойында тұлғалық қасиеттерді ұштап, кәсіби шеберліктеріңді одан әрі шыңдап, Елбасының Қазақстан халқына жолдауынан туындайтын білім сапасын арттырудағы игі бастамаларға педагогикалық ізденіс, жаңа сертін, шығармашылық табыс тілейміз, қымбатты ұстаздар! Ел ертеңі сендерсіңдер шәкірттер, қиялдарың ұшқыр болып, қанаттарың талмасын жаңа оқу жылы толағай табыстарға, жаңалықтарға толы болсын!
