АУҒАН -СӨНГЕН ШОҚ, ӨШКЕН АРМАН

АУҒАН -СӨНГЕН ШОҚ, 

        ӨШКЕН АРМАН

       Кеңес әскерлерінің Ауған жерінен шығарылғанына 36-жыл толуына арналған "Ауған-сөнген шоқ, өшкен арман. Тек сенен есте қалған" атты  ауған соғысына қатысқан ардагерлерді  мектебімізге шақырып тәрбие сағаты өткізілді. Мектебімізге Ауған соғысының ардагерлері Хайтбаев Шавкат ағай мен Пазылов  Қуаныш ағай қонақ болып  келіп, мектеп оқушыларының дайындаған іс-шарасына қатысып,  көтеріңкі көңіл-күйге бөленді. 

        Мақсаты: Оқушыларға Ауған соғысы жайлы толық мәлімет беру. Өз Отанына шексіз берілген, патриоттық рухы жоғары, қайсар жауынгер ағалардың ерлігін үлгі ету. Оқушыларға патриоттық тәрбие беру.  

        Ауған соғысында  оралмаған  жауынгерлерді  1 минут үнсіздікпен  еске алды. Батылдық пен ерліктің үлгісін көрсеткен қаhармандарды мектеп оқушылары еске алып өлең айтып, биші қыздарымыз мың бұралып би-биледі. 

         Ерлік-елдің туы. Отан үшін күрес, ерге тиген үлес. Ауған қаhармандарын қадірлеп, құрметтеп, рух жасампаздығымен жаңартайық.