Шымкент қаласы №134 жалпы орта білім беретін мектебінің 2021- 2022 оқу жылында атқарылған тәрбие жұмыстарының есебі

“Білім күні” мерекесіне орай,  мектеп табалдырығын алғаш аттағалы отырған 1-сынып бүлдіршіндеріне арналған "Кел, балалар, оқылық!" атты мерекелік салтанатты жиыны (санитарлық эпидемиологиялық талаптарды қатаң түрде сақтай отырып) өтті. Салтанатты жиынды мектеп директоры А.Б.Касжанов ашып, мектеп ұжымы мен оқушыларын жаңа оқу жылымен құттықтады. Мектеп  табалдырығын алғаш аттап отырған бүлдіршіндерімізге Ахмет Байтұрсыновтың әдістемесі негізінде әзірленген "Әліппе" оқулығын табыстады. Білім күніне арналған "Кел, балалар оқылық!" Қазақстан Республикасы Тәуелсіздігінің 30 жылдығына арналған "Тәуелсіздік жетістіктері" тақырыбы аясында 2-11 сыныптары арасында сынып сабақтары, ашық сабақтар сынып бөлмелерінде  өткізілді. Салтанатты  мерекелік шараға Қамқоршылық кеңес мүшелері қатысты.