ҰСТАЗ-ҰЛЫ ТҰЛҒА

“ҰСТАЗ-ҰЛЫ ТҰЛҒА”

Мұғалім барлық мамандық иесін тәрбиелейтін, оқытып үйрететін мейірімді абзал жан. Жақсы ұстазға екі ғана нәрсе керек, оның бірі-үлкен білім болса, екіншісі-үлкен жүрек. Міне, осындай қасиетті бойына сіңіре білген қарапайым, сабырлы, ақ жүректі, өнерлі де өнегелі ұстазымыз-Пазылов Қуаныш Батыркулович. Ол 1966 жылы  6 қаңтарда Чимкент облысы Бөген ауданы Қатын-көпір ауыл әкімшілігі Тельман бөлімшесінде туылған. 1985- 1987 жылдары әскер қатарында қызмет еткен. 1986 жылдың ақпан айында Ауғанстан Республикасына  интернационалдық борышын өтеу үшін жіберілді. Ауғанстандағы Бадахшан районы Файзабад қаласындағы мотоатқыштар полкінің саперлар ротасында Урал автокөлігініің жүргізушісі болып қызмет атқарған. Мемлекет тарапынан қызметі үшін  «За боевые заслуги», «Ерен еңбегі үшін»,             «От благодарного афганского народа», «Воину- интернационалисту», «70 лет вооруженных сил СССР», «20 лет вывода воиск из Афганистана», «25 лет вывода воиск из Афганистана», «Ұрыс әрекеттерінің ардагерлеріне»,  «Кеңес әскерлерінің Ауғаныстан жерінен шығарылғанына 30 жыл» медальдармен марапатталған.

20 жылдан аса уақыттын бері Алғашқы әскери дайындық пәнінен сабақ береді. Педагог – зерттеуші . Қазіргі таңда Шымкент қаласы №134 жалпы орта білім беретін мектепте ұстаздық етумен қатар жас ұрпаққа патриоттық тәрбие беруді қатар жүргізуде. Оның ардагерлермен өткізген кездесулері, әскери – патриоттық сайыстары жастарды Отансүйгіштікке, төзімділікке,адалдыққа бағыттайды.

Ұстаз еңбегі елеусіз қалған емес:

1. 2017 ж. Шымкент қалалық білім, ғылым қызметкерлері кәсіподағы. Мадақтама. №534

2. 2016 ж. Шымкент қаласы «Ауған соғысы мүгедектері қоры» қоғамдық бірлестігі. Мадақтама. №234

3. 2015 ж. Республикалық «Ұстаз жолы» газеті редакциясы қоры. «Ерен еңбегі үшін» медалі.

4. 2018 ж. №98 жалпы орта мектебі. Мадақтама.

5. 2019 ж. Шымкент қаласының отбасы және жастар істері жөніндегі «№4 Балалар үйі» коммуналдық мемлекеттік мекемесі. Алғыс хат.

Оқушылары еліміздін ең жоғары әскери оқу орындарында білім алуда. Пазылов Қуаныш Батыркулович  әр баланың жан дүниесін терең зерттеп, тұлға ретінде қалыптасу жолында атқарған еңбектерінің арқасында әріптестері мен шәкірттері алдында үлкен құрметке ие.